தீபாவளி

மாணவி:  சார், தமிழர்கள் தீபாவளியை எதற்குக் கொண்டாடுகிறார்கள்?

ஆசிரியர்: எதற்காக கேட்கிறாய்?

மாணவி: தமிழ்ச் சங்க காலத்தில் இங்கு தீபாவளி கொண்டாடப்பட்டதாகத் தெரியவில்லை. அதற்கான எந்தக் குறிப்பும் இலக்கியத்தில் இல்லை.

ஆசிரியர்: அதனால் என்ன?

மாணவி: இப்போது நாம் மட்டும் கொண்டாடுகிறோமே ஏன்?

ஆசிரியர்: கிருஸ்தவர்கள் கிறிஸ்மஸ் கொண்டாடுகிறார்கள்.

இஸ்லாமியர்கள் மிலாடி நபி கொண்டாடுகிறார்கள். அதைப் போலத்தான் இதுவும்.

மாணவி: தமிழர்களின் பண்டிகைப் பற்றிப் பேசும்போது நீங்கள் மற்ற மதத்தின் பண்டிகைகள் பற்றி பேசுறீங்களே?!

அப்படினா தீபாவளி தமிழர்களின் பண்டிகை இல்லை என்பது தெளிவாகிறது. அது இந்துமத பண்டிகை என்று புரிகிறது.

ஆசிரியர்: 🥺

மாணவி: சரி, கிறிஸ்துமஸ் கிறிஸ்து பிறந்த நாள், மிலாடி நபி

முகமதுநபி பிறந்தநாள். தீபாவளி யாருடைய பிறந்த நாள் சார்?

ஆசிரியர்: தீபாவளி - நரகாசுரன் கொல்லப்பட்ட நாள்.

மாணவி: 🤔 மற்ற மதத்தவர்கள் தங்கள் மதத் தலைவர்களின் பிறந்த நாளைக் கொண்டாடும் போது இந்துமதம் மட்டும் நரகாசுரனின் இறந்த தினத்தை ஏன் இவ்வளவு ஆடம்பரமாகக் கொண்டாடுகிறது?

ஆசிரியர்: நரகாசுரன் என்கிற கருப்பான பயங்கரமான அசுரன், பார்ப்பனர்கள் யாகம் செய்யவிடாமல் தடுத்தான். அதனால் பார்ப்பனர்களும் தேவர்களும், பகவானிடம் சென்று முறையிடவே கிருஷ்ண அவதாரம் எடுத்து நரகாசுரனை கொன்றாராம்.

மாணவி: இந்தக்கதையில் பார்ப்பனர்கள் என்பது யாரென்று புரிகிறது சார். பார்ப்பனர்கள் இன்றும் கூட இருக்கிறார்கள். அப்படியானால் அந்த அசுரர்கள் யார்? எங்கு இருக்கிறார்கள்?

ஆசிரியர்: புராணங்களில் வரும் வருணனைகளை வைத்துப் பார்த்தால் பெரும்பாலான அசுரர்கள் என்பவர்கள் தமிழர்கள் தான். 

மாணவி: அப்படியானால் தீபாவளி பார்ப்பனர்களின் வெற்றி விழா. தமிழர்களை வீழ்த்திய நாள் 😾😾

ஆசிரியர்: 🥺

மாணவி: பார்ப்பனர்களுக்கு ஆதரவாக தமிழர்களை அழித்தக் கடவுள் எப்படி தமிழர்களுக்கு கடவுளாவார்?

பிராமணர்கள் தங்களைக் காத்த அந்தப் பிராமணக் கடவுளை நினைத்து பெருமையுடன் தீபாவளி கொண்டாடலாம்.

ஆனால் தமிழர்களான நாம் நம் தன்மானத்தை இழந்து எப்படி தீபாவளியை கொண்டாட முடியும்? இது நமக்கு அவமானம் இல்லையா! 

ஆசிரியர்: 🥺

மாணவி: நரகாசுரனின் பிறந்த நாளை அல்லவா தமிழர்கள் விமரிசையாகக் கொண்டாடவேண்டும்.

ஆசிரியர்: நரகாசுரனின் பிறந்த நாள் தான் தெரியாதே?!

மாணவி: நரகாசுரன் இறந்த நாளைக் கண்டுபிடித்த ஆரியப் வைதீக மதத்திற்கு அவரின் பிறந்த நாள் தெரியாதா? இது அயோக்கியத்தனமில்லையா? 

தமிழ் அறிஞர்கள் என்று கூறிக் கொள்பவர்கள் ஏன் இதுபற்றி ஒருபோதும் பேசியதில்லை? ஏன் சார் ?

ஆசிரியர்: 🥺 உனக்கு ஏம்மா இவ்ளோ கோவம்?

மாணவி: இனிவரும் தலைமுறைக்காவது சரியான விளக்கத்தைச் சொல்லி இனமானமிக்க தமிழர்களை உருவாக்க வேண்டும் சார்!

ஆசிரியர்: நீ சொல்வது சரி தான் மா.🥺🥺🤔

தீபாவளிக்கு ஏன் திராவிட தலைவர்கள் வாழ்த்து சொல்லுவதில்லை என்பதற்கான விளக்கம் தான் இந்த பதிவு.

காளமேகம் திருவாரூர்

திருவாரூரைக் குறிக்கும் பல்வேறு பெயர்கள் ஒரே வெண்பாவில் வரும்படி அமைத்துக் காளமேகப் புலவர் பாடிய வெண்பா ஒன்றுண்டு.

பாடல்

சங்குதரத் தந்திருச் சாளரவா யில்வீர

சிங்கா சனந்திருவந் திக்காப்புப் –பங்குனிமா

தத்திருநா டீர்த்தத் திருவினோ தன்கோயில்

உத்தரபா கந்திருவா ரூர் (42)

சங்கு 

உதரத்தம் 

திருச்சாளர வாயில் 

வீரசிங்காசனம் 

திருவந்திக்காப்பு 

பங்குனி மாதத்திருநாள் தீர்த்தத் திருவினோதன் கோயில்  உத்தரபாகம் 

திருவாரூர்.

கண்ணதாசன் வரிகள்

" நெருப்பினை நிலவே என்பார் -

நீசனைத் தலைவன் என்பார் -

கழுதையை யானை என்பார் -

கருமையை வெண்மை என்பார் -

உருப்படாதவனை எல்லாம் உயரத்தில் ஏற்றி வைப்பார் -

செருப்பினை மதிக்கும் தேசத்தில் பிறந்தேன் பாவி ! "

கண்ணதாசன். 

வலைப்பூக்கள் சில

இணையத்தில் பல பதிவர்களின் வலைப்பூக்களை
ரசித்து படிப்போம்...
-
நேரம் கிடைக்கும்போது இந்த பதிவர்களின் வலைப்
பக்கங்களை பார்வையிடுங்கள்...
-

1 - தமிழ் ச்சி - http://thamizhsasi.blogspot.com
2 - Wethepeople - http://wethepeopleindia.blogspot.com/
3 - குழலி - http://kuzhali.blogspot.com
4 - லக்கிலுக் - http://madippakkam.blogspot.com/
5 - வெளிகண்டநாதர் - http://ukumar.blogspot.com
5 - வைசா - http://vaisasview.blogspot.com/
6 - கோ. இராகவன் - http://iniyathu.blogspot.com/
7 - செல்வராஜ் - http://selvaraj.weblogs.us
8 - கானா பிரபா - http://kanapraba.blogspot.com/
9 - குமரன் - http://abiramibhattar.blogspot.com/
10 - ப்ரியன் - http://priyan4u.blogspot.com/
11 - முத்துகுமரன் - http://muthukumaran1980.blogspot.com/
12 - இராம. கி - http://valavu.blogspot.com
13 - தேவ் - http://sethukal.blogspot.com/
14 - SK - http://aaththigam.blogspot.com/
15 - செந்தழல் ரவி - http://tedujobs.blogspot.com/
16 - ரவிசங்கர் - http://thamizhthendral.blogspot.com/
17 - செல்வநாயகி - http://selvanayaki.blogspot.com/
18 - இலவசக் கொத்தனார் - http://elavasam.blogspot.com/
19 - கோவிகண்ணன் - http://kaalangkal.blogspot.com
20 - கண்ணபிரான் ரவி - http://madhavipanthal.blogspot.com
21 - நாமக்கல் சிபி - http://pithatralgal.blogspot.com/
22 - கடல் கணேசன் - http://kadalganesan.blogspot.com/
23 - தமிழச்சி - http://thamizhachi.blogspot.com/
24 - துளசிகோபால் - http://thulasidhalam.blogspot.com/
25 - சுப்பையா - http://devakottai.blogspot.com/
26 - சுல்தான் - http://sultangulam.blogspot.com/
27 - பொன்ஸ் - http://poonspakkangkal.blogspot.com
28 - திரு - http://aalamaram.blogspot.com/
29 - வெட்டிப்பயல் - http://vettipaiyal.blogspot.com
30 - பாஸ்டன் பாலா - http://etamil.blogspot.com
31 - அசுரன் - http://poar-parai.blogspot.com/
32 - ராஜவனஜ் - http://vanajaraj.blogspot.com/
33 - தருமி - http://dharumi.blogspot.com/
34 - சந்தோஷ் - http://santhoshpakkangal.blogspot.com
35 - G Gowtham - http://gpost.blogspot.com/
36 - சிந்தாநதி - http://valai.blogspirit.com/
37 - சிறில் அலெக்ஸ் - http://muttom.blogspot.com/
38 - தமிழ்நதி - http://tamilnathy.blogspot.com/
39 - பாலபாரதி - http://balabharathi.blogspot.com/
40 - இட்லிவடை - http://idlyvadai.blogspot.com/
41 - முத்துதமிழினி - http://muthuvintamil.blogspot.com/
42 - ப்ரதீப் - http://espradeep.blogspot.com/
43 - ப்ரியா - http://aanmeegham.blogspot.com
44 - ம்ங்கை - http://manggai.blogspot.com/
45 - உஷா - http://nunippul.blogspot.com/
46 - ப்த்ரி - http://thoughtsintamil.blogspot.com/
47 - சுகுணா திவாகர் -
48 - வரவனையான் செந்தில் - http://kuttapusky.blogspot.com/
49 - பொட்டிக்கடை - http://potteakadai.blogspot.com/
50 - பெனாத்தல் சுரேஷ் - http://penathal.blogspot.com
51 - லிவிங் ஸ்மைல் - http://livingsmile.blogspot.com/
52 - ஜோ - http://cdjm.blogspot.com/
53 - டோண்டு - http://dondu.blogspot.com
54 - விடாது கறுப்பு - http://karuppupaiyan.blogspot.com/
55 - விட்ட்து சிகப்பு - http://vittudhusigappu.blogspot.com/
56 - முகமூடி - http://mugamoodi.blogspot.com/
57 - மருதநாயகம் - http://maruthanayagam.blogspot.com/
58 - சபாபதி சரவணன் - http://wewakeananda.blogspot.com/
59 - விக்கிபசங்க - http://wikipasanga.blogspot.com/
60 - கால்கரி சிவா - http://sivacalgary.blogspot.com/
61 - வஜ்ரா சஙகர் - http://sankarmanicka.blogspot.com/
62 - ம்யூஸ் - http://bliss192.blogspot.com/
63 - ஜெயராமன் - http://vaithikasri.blogspot.com/
64 - ஹ்ரிஹரன் - http://harimakesh.blogspot.com/
65 - முரளீதரன் - http://adhvaithi.blogspot.com/
66 - செல்வன் - http://holyox.blogspot.com
67 - சுவனப்பிரியன் - http://suvanappiriyan.blogspot.com/
68 - தங்கமணி - http://bhaarathi.net/ntmani/
69 - தமிழ்குழந்தை - http://tamilchild.blogspot.com/
70 - மகேந்திரன் பெ - http://kilumathur.blogspot.com/
71 - நெல்லை சிவா - http://vinmathi.blogspot.com
72 - badnewsindia - http://badnewsindia.blogspot.com
73 - மதுரா - http://tamizhachchikal.blogspot.com/
74 - திவ்யா -
75 - கைப்புள்ள - http://kaipullai.blogspot.com/
76 - பத்மா அர்விந்த் - http://sakhthi.blogspot.com
77 - ஈழநாதம் - http://akavithai.blogspot.com/
78 - கார்திக்வேலு - http://intamil.blogspot.com/
79 - சித்தார்த் - http://tamizh.rediffblogs.com/
80 - ஜெகத் - http://kaiman-alavu.blogspot.com/
81 - நிவேதா - http://rekupthi.blogspot.com
82 - voice on wings - http://valaipadhivan.blogspot.com/
83 - யளனகபக' கண்ணன் - http://knski.blogspot.com/
84 - பெயரிலி - ??
85 - பாம்பாட்டி சித்தன் - http://thaaragai.wordpress.com/
86 - சுந்தரவடிவேல் - http://bhaarathi.net/sundara/
87 - பொடிச்சி - http://peddai.net/
88 - நிர்மலா - http://nirmalaa.blogspot.com/
89 - அருள் கந்தசுவாமி - http://arulselvan.livejournal.com/
90 - சன்னாசி - ??
91 - நயனம் - http://nayanam.blogspot.com/
92 - மதிகந்தசாமி - http://mathy.kandasamy.net/musings/
93 - மா சிவகுமார் - http://masivakumar.blogspot.com/
94 - மு கார்த்திகேயன் - http://mkarthik.blogspot.com/
95 - DJ thamizan - http://djthamilan.blogspot.com/
96 - vaa manikandan - http://pesalaam.blogspot.com
97 - தமிழ்நதி - http://tamilnathy.blogspot.com/
98 - இளவஞ்சி - http://ilavanji.blogspot.com/
99 - கார்த்திக் ராம்ஸ் - http://karthikramas.blogspot.com/
100 - சீனு - http://jeeno.blogspot.com/
101 - தாரா -
102 - ரஜினி ராம்கி - http://rajniramki.blogspot.com/
103 - அரை ப்ளேடு - http://araiblade.blogspot.com/
104 - கப்பி பய - http://kappiguys.blogspot.com
105 - எழில் - http://ezhila.blogspot.com/
106 - ஜ்டாயு - http://jataayu.blogspot.com/
107 - சிவபாலன் - http://sivabalanblog.blogspot.com/
108 - சின்னக்குட்டி - http://sinnakuddy.blogspot.com/
109 - கெளசி -
110 - பங்காளி - http://pangaali.blogspot.com/
111 - அபுமுஹாய் - http://abumuhai.blogspot.com/
112 - சுமதி -
113 - மாசிலா - http://naalainamathae.blogspot.com/
114 - mayuran - http://www.mauran.blogspot.com/
115 - நற்கீரன் - http://www.worldinmind.blogspot.com/
116 - அஞ்சலி - http://anjalisplace.blogspot.com/
117 - தேக்கிட்டான் - http://thekkikattan.blogspot.com/
118 - உருப்படாத்து - http://urpudathathu.blogspot.com/
119 - ஐகாரஸ் - http://icarus1972us.blogspot.com/
120 - சீமாச்சு - http://seemachu.blogspot.com/
121 - சரவ் - http://sarav.net/
122 - ரவி ஸ்ரீநிவாஸ் - http://ravisrinivas.blogspot.com
 - செந்தில்குமர - http://ariviyalaanmeekam.blogspot.co

அளபெடை குறள்களின் எண்கள்.

அளபெடை என்பது என்ன ? : குறளோவியன் கல்லூர் அ.சாத்தப்பன்

செய்யுளில் ஓசை குறையும்போதும்,
சீரும், சீர்களுடன் இணையும் தளைகளும் சிதையும்போதும்,  செய்யுள் இலக்கணத்தில் குற்றம் ஏற்படும். அதனை
நிறைவு செய்வதற்கும், செய்யுளின் ஓசை
இனிமையாக அமையும் பொருட்டும்,
செய்யுளின் சிலவிடங்களில் அளபெடைகள்
அமைத்து இயற்றப்படுகின்றன.


       அதாவது, 
*  ஒரு நெடில் தனக்கு இனமான குறிலை
    உடன்சேர்த்துக் கொள்ளும்.


* குறிலாக இருந்தால், அது நெடிலாக 
   மாறித் தன்னினத்தை அளபெடுத்துக் 
   கொள்ளும்.


* சில வேளைகளில், ஓர் ஒற்றெழுத்தும்
   தானே அளபெடுத்துக் (இரட்டித்துக்)
    கொள்வதும் உண்டு.



    + அளபெடுத்தல் என்பது, செய்யுளிலுள்ள
        நின்றசீர், வருஞ்சீர்க்கு ஏற்பத் தன்
        அமைப்பில் மாற்றம் செய்துகொள்ளும்
        வகையாகும்.


    + இவ் அளபெடை என்பது :-


(1) இசைநிறை அளபெடை -அல்லது
       செய்யுளிசை அளபெடை;


(2) இன்னிசை அளபெடை;


(3) சொல்லிசை அளபெடை


(4) ஒற்றளபெடை


      என நான்கு வகைப்படும்.


இவற்றை விரிவாகக் காண்போம்.




(1) இசைநிறை அளபெடை அல்லது
***************************************
      செய்யுளிசை அளபெடை:-
**********************************


     இது, செய்யுளில் ஓசை குறையும்போதும்,
      சீரும் தளையும் சிதையும் போதும் , 
     அசையை நிறைப்பதற்காக
      அளபெடுக்கும்.


எ- கா:-


" ஒஓதல் வேண்டும் ஒளிமாழ்கும் செய்வினை,
ஆஅதும் என்னு மவர். ".    (குறள்# 653)


   இக்குறளில் 'ஓ' என்னும் உயிர்நெடில்
தனக்குரிய இனக்குறில் 'ஒ ' வை
அளபெடுத்துள்ளது. இரண்டாவது அடியில்
'ஆ' என்னும் உயிர்நெடில் தனக்கு இனமான
'அ' குறிலை அளபெடுத்துள்ளது.
      அளபெடுக்காத நிலையில், ' ஓதல்'
என்னும் சீர் 'தேமா' -வில் உள்ளது. வெண்பா இலக்கணப்படி, நின்ற சீர் 'மா' - வில் இருந்தால் வருஞ்சீரில் 'நிரை' (மாமுன்
நிரை) வருதல் வேண்டும். ஆனால்,,வரும்
சீரில் ' வேண்டும் ' என 'நேரில்' அமைக்க
விரும்பிய வள்ளுவர் , நின்ற சீரை , வரும்
சீருக்குத் தளைதட்டாமல் அமைக்கும் பொருட்டு, ஓதல் என்பதனை, 'ஓஒதல்' என
விளச்சீராக்கி ('கூ விளம் ' ஆக்கி), 
'விளமுன் நேர்' வரச்செய்து வெண்பா இலக்கணத்தைச் சரிசெய்துள்ளார் என்பதனை அறியவும். 
          இரண்டாம் அடியில் உள்ள, 'ஆஅதும்'
என்பதும் இவ்வகையில் அமையப் பெற்றதே. இவ்வளபெடைகள் சீரின்
இசையை நிறைவு செய்வதால் இசைநிறை 
அளபெடைகள் ஆயின.


(2) இன்னிசை அளபெடை:-
*****************************


      இன்னிசை அளபெடை என்பது, 
செய்யுளில் ஓசையோ அசையோ குறையாத போதும் அளபெடுப்பது ஆகும்.


எ-கா:-


" கெடுப்பதூஉம் கெட்டார்க்குச் சார்வாய்மற்
றாங்கே
எடுப்பதூஉம் எல்லாம் மழை.".   (#15)


     இந்தக் குறளில், 'கெடுப்பதூஉம்' என்று
அளபெடுக்காமலே ,'விளமுன் நேர்' 
சரியாகவே அமையப்பெற்றுள்ளது.
'எடுப்பதூஉம் ' என்பதிலும் விளமுன் நேர்
அமையப்பெற்று வெண்பா இலக்கணம்
சரியாகவே உள்ளது. இருப்பினும் குறளின்
ஓசையை 'இனிமைப்படுத்துவதற்காகவே'
இவை 'காய்ச்' சீர்களாக மாற்றப்பெற்றுக்
குறளோசை, இன்னிசை பயப்பதாக அமைந்துள்ளன என்பதை அறியலாம்.
இதுவே இன்னிசை அளபெடையாகும்.



(3) சொல்லிசை அளபெடை:-
*******************************


       செய்யுளில் ஓசை குறையும்போதும்,
ஒரு பெயர்ச்சொல்லை வினையெச்சச்
சொல்லாக மாற்றுவதற்கு அளபெடுப்பது
சொல்லிசை அளபெடையாகும்.
எ-கா.


" உரனசைஇ உள்ளந் துணையாகச்
  சென்றார்;
  வரனசைஇ நின்று முளேன்.". (#1263)



        மேற்கண்ட குறளில், 'உரனைசை'
என்னும் சீரும், 'வரனசை' என்னும் சீரும்,
கருவிளச் சீர்களாக அமைந்து வெண்பா இலக்கணம் சரியாகத்தான் உள்ளன. ஆயினும், 'நசை' (விருப்பம்)
என்னும் பெயர்ச்சொற்களை,'நசைஇ' 
(விரும்பி) என வினையெச்சச் சொற்களாக
மாற்றுவதற்கென்றே இவ்விரண்டு சீர்களும் அளபெடெடுத்திருக்கின்றன.
இதைத்தான் சொல்லிசை அளபெடை என்கிறோம்.


     அளபெடுக்கும்போது, ஆ -வுக்கு 'அ'-வும்,
ஈ - க்கு 'இ' -யும், ஊ- வுக்கு ,'உ' -வும், 
ஏ- க்கு 'எ' - வும், ஐ- க்கு 'இ' -யும், ஓ- வுக்கு
'ஒ' -வும், ஔ- க்கு 'உ' -வும் அளபெடுக்கும்.


(4). ஒற்றளபெடை:- 
*********************        
       இஃது திருக்குறளில் இல்லாத வகையாகும்).



       செய்யுளில் ஓசை குறையும்பொழுது,
தனிக்குறிலை அல்லது குறிலிணையை
அடுத்துவரும் ஒற்றெழுத்து, அளபெடுத்து
ஒசையை நிறைவு செய்யும்.


எ-கா:-


" எங்ங் கிறைவனுளன் என்பாய்
   மனனேயான்,
   எங்ங் கெனத்திரிவா  ரில்."


     இக்குறள் வெண்பாவில், "எங்ங்கு
இறைவன்" என்பது, "எங்ங் கிறைவன்"
என்று ஆகி, ஓசையை நிறைந்துள்ளது.
இது, தனிக்குறிலை (எ) அடுத்துவந்த
ஒற்று (ங்) ஆனது , "ங்ங்" -என அளபெடுத்தது(அதாவது, ஒற்று இரட்டித்தது).


அடுத்து,


" இலங்ங்கு  வெண்பிறைசூ  டீசனடி
  யார்க்குக்
  கலங்ங்கு  நெஞ்சமிலை  காண்."


      இந்தக் குறள் வெண்பாவில்,
'இலங்ங்கு,  கலங்ங்கு' என்று, குறிலிணைக்கு (இல , கல) அடுத்து வந்த
ஒற்றாகிய 'ங்' - , 'ங்ங்' -என அளபெடுத்துள்ளதைக் காண்க.


      மேற்கண்ட சொல்லாகிய 'இலங்கு'
என்பதில் ஒற்று அளபெடுக்காமல் இருந்தால், புளிமா- ஆகும். புளிமாவானால்,
வெண்பா இலக்கணம் தவறாகும். அதனால்
'இலங்ங்கு' என்று ஒற்று அளபெடுத்துக்
கருவிளம் ஆகி, (இலங்/ங்கு - என்றாகி) வெண்பா இலக்கணத்தை
விளமுன் நேர் எனச் சரிசெய்துள்ளது.
'கலங்ங்கு' என்னும் சீரும் இதனையே
ஒக்கும். இங்கு, ஈற்றசையாகிய 'ங்கு'
என்பது இரு குறிலெழுத்துகள் போலக்
கருதுதல் வேண்டுமென்க.


திருக்குறளில் முதல் மூன்று வகையான
அளபெடைகளும் நிறைந்துள்ளன.


இசைநிறை அளபெடைகள் மொத்தம்
ஐம்பத்து நான்கு (54) உள்ளன.


ஓர் எடுத்துக்காட்டு:-


"கற்றதனா லாய பயனென்கொல் 
  வாலறிவ
  னற்றா டொழாஅ  ரெனின்."   (#02)


இவ்வாறான அளபெடைகள் அமையப்பெற்ற குறள்களின் எண்களைக் கீழ்க்காணவும்.


                 *************
02, 12, 14, 38, 46, 55, 238, 257, 347, 653, 702,
809, 824, 840, 848, 876, 921, 933, 1052, 1053,
1059, 1070, 1087, 1088, 1090, 1097, 1098,
1104, 1108, 1115, 1143, 1176, 1194, 1198,
1200, 1204, 1210, 1245, 1292, 1295, 1301,
1305, 1324.


                       **********


(2) இன்னிசை அளபெடைகள் மொத்தம்
      முப்பத்தாறு (36) ஆகும்.


எ-கா.


" கெடுப்பதூஉங் கெட்டார்க்குச் சார்வாய்மற்
   றாங்கே
  எடுப்பதூஉ  மெல்லா  மழை."  (#15)


இதுபோன்ற அளபெடைகள் அமையப்
பெற்றக் குறள்களின் எண்கள் வருமாறு:-


                     *************


15, 31, 32, 166, 227, 230, 422, 425, 460, 461,
544, 546, 599, 641, 644, 713, 797, 812, 816,
820, 830, 845, 913, 928, 929, 931, 938, 940, 
982, 1005, 1009, 1036, 1079, 1194, 1215, 
1292- (இக்குறளில் ,'செறாஅர்' -மட்டும்).


                     *************


(3) சொல்லிசை அளபெடைகள்:-
திருக்குறளில் காணப்படும் இவ்வகையான
அளபெடைகள் மொத்தம் ஆறு (6) மட்டுமே.


எ- கா:


"இன்சொலா  லீர மளைஇப் 
படிறிலவாஞ்
செம்பொருள் கண்டார்வாய்ச் சொல்." (#91)


இவ்வகையான அளபெடைகள் அமையப்
பெற்ற குறள்களின் எண்கள்:-


                  *************


91, 94, 182, 660, 1040, 1263.

அளபெடை குறள்கள். (இன்னிசை இசைநிறை)

திருக்குறளில் இன்னிசை அளபெடை (கருவிளம், கூவிளம் கொண்ட விளச் சீர்கள்):
------------------------------------------------------
கெடுப்பதூஉம் கெட்டார்க்கு சார்வாய் மற்று ஆங்கே
எடுப்பதூஉம் எல்லாம் மழை

துன்புறூஉம் துவ்வாமை இல்லாகும் யார்மாட்டும்
இன்புறூஉம் இன் சொலவர்க்கு

கொடுப்பது அழுக்கறுப்பான் சுற்றம் உடுப்பதூஉம்
உண்பதூஉம் இன்றி கெடும்

சாதலின் இன்னாதது இல்லை இனிததூஉம்
ஈதல் இயையாக்கடை

நல் இனத்தின் ஊங்கும் துணை இல்லை தீ இனத்தின்
அல்லற் படுப்பதூஉம் இல்

அழிவதூஉம் ஆவதூஉம் ஆகி வழி பயக்கும்
ஊதியமும் சூழ்ந்து செயல்

வேல் அன்று வென்றி தருவது மன்னவன்
கோலதூஉம் கோடாது எனின்

நா நலம் என்னும் நலன் உடைமை அ நலம்
யா நலத்து உள்ளதூஉம் அன்று

அவை அறியார் சொல்லல் மேற்கொள்பவர் சொல்லின்
வகை அறியார் வல்லதூஉம் இல்

உறின்நட்டு அறினொரூஉம் ஒப்பு இலார் கேண்மை
பெறினும் இழப்பினும் என்

கல்லாத மேற்கொண்டு ஒழுகல் கசடு அற
வல்லதூஉம் ஐயம் தரும்

களித்து அறியேன் என்பது கைவிடுக நெஞ்சத்து
ஒளித்ததூஉம் ஆங்கே மிகும்

வேண்டற்க வென்றிடினும் சூதினை வென்றதூஉம்
தூண்டில் பொன் மீன் விழுங்கி அற்று

இழத்தொறூஉம் காதலிக்கும் சூதே போல் துன்பம்
உழத்தொறூஉம் காது அற்று உயிர்

குண நலம் சான்றோர் நலனே பிற நலம்
எ நலத்து உள்ளதூஉம் அன்று

கொடுப்பதூஉம் துய்ப்பதூஉம் இல்லார்க்கு அடுக்கிய
கோடி உண்டாயினும் இல்

உழவினார் கைம்மடங்கின் இல்லை விழைவதூஉம்
விட்டேம் என்பார்க்கு நிலை

இரவு உள்ள உள்ளம் உருகும் கரவு உள்ள
உள்ளதூஉம் இன்றி கெடும்

உடுப்பதூஉம் உண்பதூஉம் காணின் பிறர் மேல்
வடு காண வற்று ஆகும் கீழ்

நனவினான் கண்டதூஉம் ஆங்கே கனவும் தான்
கண்ட பொழுதே இனிது

----------------


திருக்குறளில் இசைநிறை அளபெடை ( மா, விளச் சீர்கள்):
------------------------------------------------------

கற்றதனால் ஆய பயனென்கொல் வாலறிவன்
நற்றாள் தொழாஅர் எனின்.

தேறினும் தேறாவிடினும் அழிவின்கண்
தேறான் பகாஅன் விடல்

உலகம் தழீஇயது ஒட்பம் மலர்தலும்
கூம்பலும் இல்லது அறிவு

வீழப்படுவார் கெழீஇயிலர் தாம் வீழ்வார்  
வீழப் படாஅர் எனின்

துப்பார்க்கு துப்பு ஆய துப்பு ஆக்கி துப்பார்க்கு
துப்பாய  தூஉம் மழை

குற்றமே காக்க பொருளாக குற்றமே
அற்றம் தரூஉம் பகை

பரியது கூர் கோட்டதுஆயினும் யானை
வெரூஉம் புலி தாக்குறின்

துணை நலம் ஆக்கம் தரூஉம் வினை நலம்
வேண்டிய எல்லாம் தரும்

நீங்கின் தெறூஉம் குறுகுங்கால் தண் என்னும்
தீ யாண்டு பெற்றாள் இவள்

ஓஒதல் வேண்டும் ஒளிமாழ்கும் செய்வினை,
ஆஅதும் என்னு மவர்

திருவாரூர் முத்துசாமி ஐயர்

ஒரு ரூபாய் ஊழியர்

திருவாரூரிலே ஒரு தாசில்தார் இருந்தார். ஒரு நாள் காலையில், வீட்டில் உட்கார்ந்து கொண்டு எதையோ படித்துக் கொண்டிருந்தார். அப்போது அங்கே சிலர் ஓடி வந்து,

“ஐயா, ஐயா, எங்கள் கிராமத்துக்குப் பக்கத்தில் இருந்ததே அணை. அதை வெள்ளம் அடித்துக்கொண்டு போய் விட்டது! உடனே வந்து கவனிக்க ஏற்பாடு செய்ய வேணும்” என்று வேண்டினர்.

இதைக் கேட்டதும் தாசில்தார் ஒரு சேவகனை அழைத்து, “நீ உடனே போய்,அலுவலகத்தில் யாராவது குமாஸ்தா இருந்தால் கையோடு கூட்டிக் கொண்டு வா. உம். சீக்கிரம்” என்று உத்தரவிட்டார்.

சேவகன் நேராகத் தாசில்தாருடைய அலுவலகத்திற்குச் சென்றான். அப்போது அங்கு முத்துசாமி என்ற ஒரு சிறுவன் மட்டுமே இருந்தான். வேறு யாரும் இல்லை. சேவகன் அவனிடம் செய்தியைச் சொன்னான். சொல்லிவிட்டு, “பெரியவர்கள் யாரும் வரவில்லையா?” என்று கேட்டான்.

“இல்லை. அதனால் என்ன? நான் வருகிறேன். வா. போகலாம்” என்று கூறித் துணிச்சலோடு தாசில்தாரிடம் வந்தான் முத்துசாமி.

தாசில்தார் முத்துசாமியை ஏற இறங்க ஒரு முறை பார்த்தார். பிறகு, சேவகனை நோக்கி,

“என்னடா இது, இந்தப் பொடியனை அழைத்து வந்திருக்கிறாயே! வேறு யாரும் இல்லையா?...” என்று சலிப்போடு கூறிவிட்டு, முத்துசாமியைப் பார்த்து, “சரி. சரி. ஏனப்பா,உனக்கு அந்த உடைப்பைப் பற்றி ஏதாவது தெரியுமா?” என்று கேட்டார்.

“நீங்கள் உத்தரவு கொடுத்தால், உடனேயே நான் அங்கே போய், விவரம் அறிந்து வருகிறேன்” என்றான் முத்துசாமி.

“சரி, போய் வா” என்று அரை மனத்துடன் அவனை அனுப்பி வைத்தார் தாசில்தார்.

முத்துசாமி உடைப்பு எடுத்த இடத்திற்குச் சென்று பார்த்துவிட்டுத் திரும்பி வந்தான். வந்தவன் கையில் ஒரு தாள் இருந்தது. அதைத் தாசில்தாரிடம் கொடுத்தான். அதை அவர் உற்றுப் பார்த்தார்

அதில், எவ்வளவு தூரம் அணை உடைந்திருக்கிறது. அணையைத் திரும்பக் கட்டுவதற்கு என்னென்ன சாமான்கள் வேண்டும். அந்தச் சாமான்கள் எங்கெங்கே கிடைக்கும். எவ்வளவு நாட்களாகும், எவ்வளவு ரூபாய் செலவாகும் என்ற விவரங்களெல்லாம் இருந்தன.

தாசில்தார் அதைப் பார்த்து வியப்படைந்தார். ஆனாலும், உடனே அதை அவர் ஏற்றுக்கொள்ளவில்லை. தலைமைக் குமாஸ்தாவிடம் அந்தத் தாளைக் கொடுத்து, “இந்தப்பையன் என்னென்னவோ இதில் எழுதிக் கொடுத்திருக்கிறான். நேராகப் போய்ப் பார்த்தால்தான் தெரியும். உடனே நீர் புறப்பட்டுச் சென்று, விவரம் அறிந்து வாரும்”என்றார்.

தலைமைக் குமாஸ்தா உடைப்பு எடுத்த இடத்திற்குச் சென்றார். நிலைமையை நேரில்அறிந்தார். சிறுவன் முத்துசாமி எழுதிய விவரங்கள் நூற்றுக்கு நூறு சரி என்பதைஉணர்ந்தார். அப்படியே தாசில்தாரிடம் போய்ச் சொன்னார். அதைக் கேட்டு தாசில்தார் ஆச்சர்யம் அடைந்தார். முத்துசாமியை மிகவும் பாராட்டினார்.

அதே முத்துசாமி தாசில்தாரை மற்றொரு முறை வியப்பிலே ஆழ்த்தினான்.

ஒருநாள், பெரிய மிராசுதார் ஒருவர் தாசில்தாரிடம் வந்தார். “என்னுடைய நிலங்களுக்கு நான் எவ்வளவு வரி செலுத்த வேண்டும்? தொகையைச் சொன்னால், உடனே கட்டிவிடுகிறேன்” என்றார்.

அந்த மிராசுதாருக்கு அந்தத் தாலுகாவில் பல இடங்களில் நிலம் இருந்தது. சுமார் இருபது கிராமங்களில் அவருக்கு நிலம் இருந்ததால் கணக்குகளைப் பார்த்துத்தான் சொல்ல வேண்டும்.

குமாஸ்தாக்களில் ஒருவரைக் கூப்பிட்டுக் கணக்கைப் பார்க்கச் சொல்லலாம் என்று தாசில்தார் நினைத்தார். அப்போது, அருகிலே சிறுவன் முத்துசாமி நின்று கொண்டிருந்தான்.

அவனிடம், அந்த மிராசுதாரின் பெயரைச் சொல்லி, “இவருடைய வரிப் பாக்கி எவ்வளவு என்று கேட்டுவா” என்றார் தாசில்தார்.

ஆனால், முத்துசாமி யாரிடமும் போய்க் கேட்கவுமில்லை; கணக்குப் புத்தகத்தைப் புரட்டிப் பார்க்கவுமில்லை. நின்ற இடத்தில் நின்று கொண்டே, ‘இவர் இவ்வளவு கொடுக்கவேண்டும்’ என்று ஏதோ ஒரு தொகையைச் சொன்னான். அதைக் கேட்ட தாசில்தார்,

“என்னடா இது! வாயில் வந்த ஒரு தொகையைச் சொல்கிறாயே! சம்பந்தப்பட்ட கணக்குப் பிள்ளைகளைக் கூப்பிடு. கணக்கைச் சரியாகப் பார்த்துச் சொல்ல வேண்டும்” என்றார்.

தாசில்தார் விருப்பப்படியே கணக்குப் பிள்ளைகளை அழைத்து வந்தான் முத்துசாமி.அவர்கள் கணக்குப் புத்தகங்களைப் புரட்டிப் பார்த்து, ஒரு காகிதத்தில் தொகையைக் குறித்துக் கொண்டார்கள்.

பிறகு எல்லாவற்றையும் கூட்டிப் போட்டு, மொத்தத் தொகையைச் சொன்னார்கள். அவர்கள்சொன்ன தொகையும், முத்துசாமி சொன்ன தொகையும், ஒன்றாகவே இருந்தன. தம்படிகூடவித்தியாசமில்லை! இதைக் கண்டு தாசில்தார் மிகுந்த வியப்படைந்தார். அவர் மட்டும் தானா? மிராசுதாரர், கணக்குப் பிள்ளைகள் எல்லாருமே அளவில்லாத

ஆச்சரியமடைந்தார்கள்.

முத்துசாமியிடம் இப்படிப்பட்ட திறமையும், ஞாபக சக்தியும் இருப்பதைக் கண்ட தாசில்தார் வியப்படைந்ததோடு நிற்கவில்லை. அன்றே முத்துசாமியை அழைத்து,

“முத்துசாமி, இன்று முதல் உன் சம்பளத்தை மூன்று மடங்கு ஆக்கி விட்டேன்” என்று கூறினார்.

மூன்று மடங்கு! என்றால் பிரமித்துப் போய் விடாதீரிகள் அந்த மூன்று மடங்கு சம்பளம் எவ்வளவு தெரியுமா.மூன்று ரூபாய்தான் .

ஆம் அப்படியானால் அவர் வாங்கிக் கொண்டிருந்த மாத சம்பளம் ஒரு ரூபாய்.

அன்று ஒரு ரூபாய் சம்பளத்தில் கணக்குப் பிள்ளைக்கு உதவி ஆளாக இருந்த அந்த ஒரு ரூபாய் ஊழியர் யார் தெரியுமா?

பிற்காலத்தில் வெள்ளையர்கள் மட்டுமே வகித்து வந்த

#நீதிபதிபதவியைபெற்றமுதல் #இந்தியர்சர். #டி. #முத்துசாமி அய்யர்தான் அந்த ஒரு ரூபாய் ஊழியர்.

1877 இல் சென்னை உயர்நீதிமன்ற

முதல் இந்திய நீதிபதி பதவியை வகித்தவர்.

1893 இல் சென்னைஉயர்நீதிமன்ற

தலைமை நீதிபதியாகவும் இருந்தவர்.

நன்றி: குழந்தைக் கவிஞர் அழ. வள்ளியப்பா அவர்களின் பெரியோர் வாழ்விலே என்ற நூலில் இருந்து

(#உபயம் #டி.#என். #முரளீதரன்-

#மூங்கில்காற்று)

வாசிப்பு

புத்தகம் வாசிப்பது பற்றி 

புகழ் பெற்ற மேதைகள் 

சொன்ன சில சுவாரசியமான தகவல்கள் !!!

.

► ''என் கல்லறையில் மறக்காமல் எழுதுங்கள் இங்கே ஒரு புத்தகப் புழு உறங்குகிறதென்று'' என்றார் 

பெட்ரண்ட் ரஸல்.

► மனிதனின் ஆகப் பெரிய கண்டுபிடிப்பு எது என்று வினவப்பட்டபோது சற்றும் யோசிக்காமல் ‘புத்தகம்’ என பதிலளித்தார் 

ஆல்பர்ட் ஐன்ஸ்டீன்.

► 'வேறு எந்தச் சுதந்திரமும் வேண்டாம். சிறையில் புத்தக வாசிப்பை மட்டும் அனுமதிக்க வேண்டும்’ என்றாராம் நெல்சன் மண்டேலா.

► பிறந்த நாளுக்கு என்ன வேண்டும் என நாடு கேட்டபோது புத்தகங்கள் வேண்டும் என சற்றும் தயக்கமின்றி லெனின் கூறிட குவிந்த புத்தகங்கள் பல லட்சம். இன்று மாஸ்கோ லெனின் நூலகம்தான் உலகிலேயே மிகப் பெரியது.

► ஒவ்வொரு படமும் நடிக்க ஒப்புக் கொள்ளும்போது வரும் முன்பணத்தில் முதல் நூறு டாலருக்கு புத்தகம் வாங்குவாராம் சார்லிசாப்லின்.

.

► 'ஒரு குழந்தைக்கு நீங்கள் வாங்கித் தரும் மிகச் சிறந்த பரிசு ஒரு புத்தகம்தான்’ என்றார் வின்ஸ்டன் சர்ச்சில்.

அருவி

நெஞ்சு படபடக்கிறது

நீர்வீழ்ச்சியென்று

அருவியை

யாராவது

சொல்லிவிட்டால்…

– விக்ரமாதித்யன்

SPBஎஸ்பிபி

ஒரு சில பாடல்கள்

எஸ்.பி.பி பாடிய பல்லாயிரம் பாடல்களில் ஒரு சில பாடல்கள் வாசகர்களின் பார்வைக்கு.

எம்.ஜி.ஆருக்கு “ஆயிரம் நிலவே வா, வெற்றி மீது வெற்றி, பாடும் போது நான், அவள் ஒரு நவரச, இதழே இதழே, இரண்டு கண்கள், மாலை நேர தென்றல், நாளை நமதே, நேரம் பௌர்ணமி, அங்கே வருவது, என் யோகா ஜாதகம், இரவுகளை பார்த்ததுண்டு, நீராழி மண்டபத்தில், உங்களில் நம் அண்ணாவை” போன்ற பல பாடல்கள்.

சிவாஜி கணேசனுக்கு “பொட்டு வைத்த முகமோ, இரண்டு கைகள் நான்கானால், திருத்தேரில் வரும், என்னோடு பாடுங்கள், எத்தனை அழகு, நோட்டம் கண்ட, ஆசை தீர பேச, நாலு பக்கம் வேடர், காலம் மாறலாம், யாரோ நீயும் நானும், தலைவி தலைவி என்னை, பூ மணக்கும் பூங்குழலி, எங்கேங்கோ செல்லும், ஆத்தோரம் பூத்த மல்லி, ஓ மிஸ், பூ மொட்டு பொண்ணு, சந்தன மலரின் சுந்தர, என்னருமை செல்வங்களே, என் ராஜாத்தி வாருங்கடி, காதல் ராணி, பூ போலே உன் புன்னகையில், யமுனா நதி இங்கே, படகு படகு ஆசை, இரண்டில் ஒன்று, My Song Is For You” போன்ற பல பாடல்கள்.

ஜெமினி கணேசனுக்கு “இயற்கையெனும் இளையகன்னி, ஆயிரம் நினைவு, மங்கையரில் மகராணி, ராதா காதல் வராதா, கண்ணால் நடத்தும் ஒரு, போக போக நல்லா, ஜாம் ஜாம் என்று, ஒரு மல்லிகை மொட்டு, அன்பை குறிப்பது, கற்பனையோ கை, முத்து சிப்பிக்குள்ளே, எங்கே போவோம்” போன்ற பல பாடல்கள்.

ஜெய்சங்கருக்கு “பௌர்ணமி நிலவில் பனி விழும் இரவில், கேள்வி கேட்கும் நேரமல்ல, கண்டேன் கல்யாண பெண், நிலவே நீ சாட்சி, காதல் ஜோதி அணையாதது, பேசு மனமே பேசு, காலங்களே காலங்களே, என்ன மகாராணி, மணிவிளக்கே மாந்தளிரே, அம்மம்மா என்னம்மா, ஒரு வீடு இரு உள்ளம், ஆவணி மலரே, பொன் என்றும் பூ, இன்று முதல், அங்கம் புதுவிதம், கல்யாண ராமனுக்கும், எதிர் பார்த்தேன், மாணிக்க பதுமைக்கு, காலம் பொன்னானது, ஒன்றே ஒன்று நீ, உலகில் இரண்டு கிளிகள், இரு மாங்கனி போல், எனக்கும் உனக்கும் வழக்கு, On A Hot Summer Morning” போன்ற பல பாடல்கள்.

ரவிச்சந்திரனுக்கு “இறைவன் என்றொரு கவிஞன், ஓ மைனா ஓ மைனா, என் காதல் கண்மணி, உத்தரவின்றி உள்ளே வா, மாதமோ ஆவணி, ஓடி வாவென, வெள்ளி முத்துக்கள், உன்னை தொடுவது, நினைத்தால் நான், தொடுவதென்ன தென்றலோ, நவாப்புக்கு ஒரு கேள்வி, ஊர்கோலம் போகின்ற” போன்ற பல பாடல்கள்.

முத்துராமனுக்கு “எங்க வீட்டு தங்க தேரில், வா இளமை அழைக்கிறது, உள்ளம் ரெண்டும் ஆடட்டும், நான் என்றால், கண்டேன் எங்கும், சம்சாரம் என்பது வீணை, கொட்டி கிடந்தது, தாலாட்டு பிள்ளை, வாழ்க கைகள் இரண்டும், படைத்தானே பிரம்ம தேவன், மறந்தே போச்சு, யம்மா கண்ணு, அம்பிகை நேரில் வந்தாள், கண்ணனை நினைக்காத, நாளை நாம் ஒரு, காவிரிக்கரை ஓரத்துல, நல்ல பேரோடு புகழ், சொந்தம் இனி உன் மடியில், ஆயிரம் ஆயிரம், கேட்டதெல்லாம் நான், பொன்னான மனம், நடப்பது சுகம்” போன்ற பல பாடல்கள்.

சிவகுமாருக்கு “உன்னை தொற்ற காற்று, என்ன சொல்ல என்ன, அன்பு மேகமே, ஒரு நாள் உன்னோடு, தேன் சிந்துதே வானம், முள்ளில்லா ரோஜா, காதல் விளையாட, மாமன் ஒரு நாள், என்னோடு வந்தான், அனங்கன் அங்கஜன், ஓடம் கடலோடும் அது, வா பொன்மயிலே, என்னோடு வந்தான், மாதென்னால் படைத்தான், என் காதலி யார் சொல்லவா, உச்சி வகுந்தெடுத்து, யாருமில்லை இங்கே, என் கண்மணி, மாமன் ஒரு நாள், பூந்தேனில் கலந்து” போன்ற பல பாடல்கள்.

ரஜினிகாந்துக்கு "My Name Is Billa, நம்ம ஊரு சிங்காரி, நான் பொல்லாதவன், ராக்கம்மா, காட்டுக்குயிலு, விழியிலே மலர்ந்தது, அடி வான்மதி, அடி ராக்கு முத்து, கொஞ்சி கொஞ்சி, வெற்றி நிச்சயம், காதலின் தீபம், கண்மணியே காதல், ஜோடி கிளி, இரு விழியின், நாட்டுக்குள்ள எனக்கொரு, கண்ணில் என்ன கார்காலம், கொக்கு சைவ, ஆணென்ன பெண்ணென்ன, பேச கூடாது, சுந்தரி கண்ணால், நானே என்றும் ராஜா, டிங் டாங் டாங், பூமாலை ஒரு, கல்யாணம் வைபோகம், ஒரு நாளும் உனை, நான் பொல்லாதவன், அத்திந்தோம் திந்தியும், வா வா பக்கம், மானின் இரு கண்கள், குறிஞ்சி மலரில், ராமன் ஆண்டாலும், தில்லு முல்லு, நதியோரம் நாணல், அதோ வாராண்டி, ஒரு கோல கிளி, நிலவே முகம் காட்டு, ஆலப்போல் வேலப்போல், ராஜா என்பார், தென்மதுரை வைகை, மெதுவாகத்தான், மாலை சூடும் வேலை, ராஜாதி ராஜா உன், என்னடா பொல்லாத வாழ்க்கை, கண்டு புடிச்சேன், ராகங்கள் 16, வாருங்கள் ஒன்றாய், காட்டிலொரு சிங்கக்குட்டியாம், காட்டுக்குயிலு, Silence Silence" போன்ற பல பாடல்கள்.

கமல்ஹாசனுக்கு "அங்கும் இங்கும், இளமை இதோ, நானாக நானில்லை, என்னடி மீனாட்சி, சாந்து பொட்டு, கண்மணியே பேசு, எங்கேயும் எப்போதும், அரே ஓரங்க ஸ்ரீலங்கா, தேவி ஸ்ரீதேவி, சொர்கம் மதுவிலே, நினைத்ததை முடிப்பது, கப்பல் ஏறி, என்ன சத்தம் இந்த, தகிட ததிமி, கடவுள் அமைத்த வைத்த, கல்யாண கச்சேரி, இன்னும் என்னை என்ன, மீண்டும் மீண்டும் வா, வனிதாமணி, அம்மம்மா சரணம், நான் பூவெடுத்து, பட்டு கன்னம், ஜெர்மனியின் செந்தேன், இதழில் கதை, நல்லதோர் வீணை செய்தேன், வலையோசை கல கலவென, மாயா மச்சீந்திரா, ஒரு நிலவும் மலரும், மேகம் கொட்டட்டும், என் ஜோடி மஞ்சக்குருவி, செம்பருத்தி பூவே, வாயா வாயா, வானிலே தேன்நிலா, நீல வான ஓடையில், சிறிய பறவை, பேரை சொல்லவா, உனக்கென்ன மேலே நின்றாய், இருமனம் கொண்ட, நெஞ்சத்தில் போராடும், உன்னை நான் பார்த்தது, சங்கீதம் எப்போதும், தீர்த்த கரையினிலே, புஞ்சை உண்டு, நம்ம சிங்காரி, சிங்களத்து சின்னக் குயிலே, அண்ணாத்தே ஆடுறார், பசி எடுக்குற நேரம், நான் கட்டில் மேலே, கம்பன் ஏமாந்தான், உன்ன நினைச்சேன், சிப்பியிருக்குது, வானம் தொட்டு, How Wonderful" போன்ற பல பாடல்கள்.

விஜயகாந்துக்கு "அலையேந்தி கொள்வோம், தேடாத இடமெல்லாம் தேடினேன், செங்குருவி செங்குருவி, போட்டாலும் ஏறல, சின்னமணி குயிலே, அடி மானாமதுரையில், கடவீதி, முத்துமணி, மணக்கும் சந்தனமே, பட்டு பாவாடை கட்டி, வெச்ச கூறி, குத்து விளக்காக, சின்ன கிளி வண்ண கிளி, வண்டிக்காரன் சொந்த, ராசாத்தி ராசாத்தி, தந்தானே தாமரை, காலை நேர பூங்குயில், செந்தூர பாண்டிக்கு, பூவான ஏட்டத்தொட்டு, மனச மடிச்சி நீதான், மருமகளே, தென்றலுக்கு தாய், ராசி தான் கை, சோறு கொண்டு, காட்டுறேன் காட்டுறேன்" போன்ற பல பாடல்கள். 

டி.ராஜேந்தர் இசையில் "வாசமில்லா மலரிது, வசந்தம் பாடி வர, இந்திர லோகத்து சுந்தரி, தாலாட்டி படித்தவளே, பகலென்றும் இரவென்றும், தினம் தினம் உன், தங்க நிலவே உன்னை, சந்தமாமா இந்த, இது குழந்தை பாடும், அட யாரோ பின்பாட்டு, மூங்கிலில் பாட்டிசைக்கும், தோள் மீது தாலாட்ட, இது ராத்திரி நேரம், அழகினில் விளைந்தது" போன்ற பல பாடல்கள்.

மோகனுக்கு "கூட்டத்திலே கோவில் புறா, இளைய நிலா பொழிகிறதே, தோகை இளமயில், மன்றம் வந்த, நிலாவே வா, விழியிலே மணி, நிலவு தூங்கும், வானுயர்ந்த சோலையிலே, நான் பாடும், கவிதை பாடு குயிலே, தேனே தென்பாண்டி, தில் தில் மனதில், இசை மேடையில், தீர்த்தகரை ஓரத்திலே, நீல குயிலே உன்னோடு, யார் வீட்டில் ரோஜா, பாட்டு தலைவன், லவ் தான், பருவமே புதிய பாடல், ஹே ஆத்தா ஆத்தோரமா, மணியோசை கேட்டு, தென்பாண்டி தமிழே, வைகரையில் வைகை, பனிவிழும் இரவு, மலையோரம் வீசும், வா வெண்ணிலா, சங்கீத மேகம், இதயம் ஒரு கோவில், தேடும் கண் பார்வை, I Want To Be A Big Man" போன்ற பல பாடல்கள்.

ராமராஜனுக்கு "மாங்குயிலே பூங்குயிலே, கலைவாணியோ ராணியோ, ஆத்து மேட்டு தோப்புக்குள்ள, வாசலிலே பூசணி பூ, தானா வந்த சந்தனமே" போன்ற பல பாடல்கள்.

விஜய்க்கு "ஒரு கடிதம் எழுதினேன், அஞ்சாம் நம்பர், மணிமேகலையே மணி, என்ன அழகு, ஒரு நாள் ஒரு கனவு, பச்ச கொடி, பாரதிக்கு கண்ணம்மா, அழகூரில் பூத்தவளே, கண்களா மின்னலா, நில்லடி என்றது, சந்தோசம் சந்தோசம், ஓ தென்றலே, உன்னை நினைத்து, ஜீவன் என் ஜீவன், உடலும் இந்த உயிரும்" போன்ற பல பாடல்கள்.

அஜித்துக்கு "அடி சோக்கு சுந்தரி, தாஜ்மஹால் தேவையில்லை, கனவே தானா, சத்தம் இல்லாத, புத்தம் புது மலரே, சிக்கி முக்கி உய்யால, உன்னை பார்த்த, சிவப்பு லோலாக்கு, நலம் நலமறிய ஆவல், காற்றில் ஒரு வார்த்தை, காதல் என்ன கண்ணாமூச்சி, வத்திக்குச்சி பத்திக்காதுடா, ஆடியில காத்தடிச்சா, ரெட் ரெட், மேகங்கள் என்னை, திலோத்தமா, சோ லாரே" போன்ற பல பாடல்கள்.

மேலும் “திருமகள் தேடி வந்தால், மதுவை எடுத்து கொஞ்சம், மல்லிகை பூ வாங்கி, வருவாயா வேல்முருகா, மானூத்து மந்தையில, மழை தருமோ என் மேகம், பொன்னாரம் பூவாரம், ஒரு பாடலை, நான் பேச வந்தேன், இமயம் கண்டேன், சின்ன புறா ஒன்று, எனக்கொரு காதலி, நான் உன்ன நெனச்சேன், மார்கழி பனியில், என் கல்யாண வைபோகம், உள்ளங்கள் பலவிதம், ஆரம்ப காலத்தில், சித்தர் கூட, காதலுக்கு கண்கள், அரைச்ச சந்தனம், அம்மாடியோ சித்தப்பா, வாடாத ரோசாப்பூ, காதலிக்க 90 நாள், சாமி கிட்ட சொல்ல, ஆஞ்சநேயா அனுமந்தையா, என் இடையிலும், தேவன் வேதமும், குளிரடிக்குதே, கீதா ஒரு நாள், ஓராயிரம் கற்பனை, ரோஜா ஒன்று முத்தம், ஆயர்பாடி மாளிகையில், ஓம் நமசிவாய, இயேசு நாமம், அழகுத் திருமுகம், அல்லாஹ்வின் பெயரை சொல்லி, மத்தாளம் கொட்டுதடி, கொட்டுக்கிளி கொட்டு, ஆயிரம் தாமரை, ஒரு நாயகன், தண்ணி குடம் எடுத்து, நடந்தால் இரண்டடி, நீல குயிலே நீல, மாணிக்க வீணையின் ராகம், கேளடி கண்மணி, முத்து சிரித்தது, வெள்ளி மலரே, பாத கொலுசு, என்னவென்று சொல்வதம்மா, கீதம் சங்கீதம், என் கண்ணுக்கொரு, குயில புடிச்சி, வனக்குயிலே, எந்தன் வானின், சங்கீதம் ஜாதி, கல்யாண மாலை, நலம் வாழ எந்நாளும், மனசுக்குள் ஒரு புயல், ரசிகா ரசிகா, பொங்கியதே காதல், தேன் மழையிலே, ஏதோ ஒரு நதியில், வாடியம்மா பொன் மகளே, வலை விரிக்கிறேன், தேன் பூவே பூவே வா, நான் பிறந்தது தனியா, மஞ்ச தாலி கட்டி, காதலிக்கும் பெண்ணின், கண்ணா என் சேலைக்குள்ள, ஏழேழு ஜென்ம பந்தம், ஏய் எர்ரானி குரதானி, ரோஜாவை தாலாட்டும், பெண் ஒருத்தி, ஓ போடு, மின்னலே நீ, துள்ளி திரிந்ததொரு காலம், ஓ வசந்த ராஜா, நான் போகிறேன், அய்யயோ நெஞ்சு, நாடோடி பாட்டு பாட, மண்ணில் இந்த காதலின்றி, வான் நிலா, வெண்ணிலவே வெண்ணிலவே, காதல் கவிதைகள், தங்க நிலவே உன்னை, வெள்ளி நிலவே, தங்க நிலவுக்குள், கண்ணுக்குள் நூறு நிலவு, ஒட்டகத்தை கட்டிக்கோ, காதலெனும் தேர்வெழுதி, வண்ணம் கொண்ட, சந்திரனே சூரியனே, ஒரு குங்கும செங்கமலம், முத்து நகையே முழு நிலவே, வா வா எந்தன் நிலவே, ஒரு வட்ட நிலவு, தேவதை இளம் தேவி, பொட்டு வச்ச கிளியே, அந்தி நேர தென்றல், வாழும் வரை போராடு, அஞ்சலி அஞ்சலி, யம்மா யம்மா, என் காதல் தீ, ஓ பட்டர்பிளை, தங்க தாமரை, போவோமா ஊர்கோலம், சித்தகத்தி பூக்களே, கற்பூர பொம்மை, மெட்டு போடு, பெண்ணல்ல பெண்ணல்ல, ஓடக்கார மாரிமுத்து, பச்சைமலை பூவு, என் காதலே என் காதலே, நிலவொன்று கண்டேன், குளிச்சா குத்தாலம், ஒரு பாட்டாலே சொல்லி, முன் பனியா, அன்ப சுமந்து, நெஞ்சுக்குள்ளே இன்னாருன்னு, என்னை தொட்டு அள்ளிக்கொண்ட, இதயமே இதயமே, என் வானம் நீ தானா, எந்த பெண்ணிலும் இல்லாத, காதல் ரோஜாவே, மடை திறந்து, மலரே மௌனமா, இது ஒரு பொன் மாலை, சிறுபொன்மணி அசையும்" போன்ற பல பாடல்கள்.

Sslc tamil 2019 - 2020

*விடையறிவோம்* பகுதி

********************************

1.தெருக்கூத்தை முக்கிய அடையாளமாக்கியவர்?

2.மருவூர்பாக்க வீதிகளில் விற்கப்பட்ட பொருட்களைப் பட்டியலிடுக?

3.மயங்கிய - பகுபத உறுப்பிலக்கணம் தருக.

4.ம.பொ.சி.

சிலப்பதிகார மாநாடு நடத்தக் காரணங்கள் யாவை?

5.நொச்சி,உழிஞை குறித்து விளக்குக.

 *பத்தாம்வகுப்பு* *2019-2020* 

 *தமிழ்.*

 *சங்கரன் என்எஸ்கே*

நெற்பொரி....

பத்தாம் வகுப்பு மாணவர்களிடம்
திருக்கார்த்திகையை முன்னிட்டு
வகுப்பறையில் ஊடாடிக்கொண்டிருந்தபோது..
"  #அவல்பொரி_யார்வீட்ல..
#நெல்பொரி_யார்_வீட்ல? "என்றேன்.

" #நெல்லுப்பொரியா...
#அப்படினா " என்றார்கள்.

#தமிழகத்தின்நெற்களஞ்சியத்திற்கு இப்படி  ஒரு சோதனை.

ஆமாம் ,
அவர்களுக்கு
#நெல்லே தெரியாதே.
அரிசி மட்டும்தானே தெரியும்.
ஆயிரமாயிரம் நெல் வகைப்பாடுகள் இருந்த ஊரில் இன்று அவர்களுக்குத் தெரிவதுஒன்றே ஒன்றுதான்...
அதுவும்
#கர்நாடகப்பொன்னி...

அதன்விளைவே இப்பதிவு.

#நெற்பொரிசெய்வது_எப்படி?

#நெற்பொரி என்பது
மோட்டாரக நெல்லை ஓர் இரவு முழுவதும் ஊற வைத்து பிறகு அதனை எட்டுமணி நேரம் காய விட வேண்டும். அதன் பின் நெல்லை அடுப்பில் காயும் சட்டியில் அடுமணலுடன் சேர்த்து கிளர வேண்டும். ஒரு நேரத்தில் நெல் வெடித்து நன்றாக அரிசி உப்பும் .

பிறகு அதனைப் புடைத்து உமியை நீக்கி விட்டு நெற்பொரியைப் பிரித்து எடுக்கலாம்.

ஒருபடி அரிசி கிடைக்கக்கூடிய
நெல்லில் சுமார் 8 படி பொரியைத்தயார் செய்யலாம்.

#அரிசி_பொரி என்பது புழுங்கலரிசையைத் தண்ணீரில் உப்பு சேர்த்தும், சேர்க்காமலும் ஊறவைத்து அடுமணலுடன் சூடாக்கி பொறித்து எடுப்பது. இது ஒரு அரிசியை விட 8 மடங்கு பெரியதாய் உப்பி வரும்.

நெற்பொரியைக் காய்ச்சல் மற்றும் வயிற்றுப் போக்கு உள்ளவர்களுக்குக் கஞ்சியாகச் செய்து கொடுக்கலாம். மேலும்
மோர், தயிர் வெல்லம் போன்றவற்றில் ஏதேனும் ஒன்றுடன் கலந்து சிறு உணவாக உட்கொள்ளலாம்.

பொரிஉருண்டையும் செய்யலாம்.

அதுசரி உங்களுக்கு...
#சோளப்பொரி தெரியுமா?

உங்களுக்கே #பாப்கார்ன் தானே தெரியும்

குறளில் தெய்வம்

கடவுள் என்னும் சொல் திருக்குறளில் இல்லை. தெய்வம் என்னும் சொல் திருக்குறளில் ஆறு இடங்களில் பயின்றுவருகிறது.

தெய்வம் என்பது ஊழ். ^[10]இது நம் உடலோடும் உயிரோடும் ஊழ்த்துக் (பூத்துக்) ^[11] கிடப்பது.தெய்வம் என்பது ஊழ். தன் குடிப்பெருமை மேலோங்கப் பாடுபடும் ஒருவனுக்கு உதவ ஊழ்த்தெய்வம் வரிந்துகட்டிக்கொண்டு வந்து துணைநிற்கும்.^[12]வான் உறையும் தெய்வம்: தெய்வத்தில் இரண்டு நிலைகள் உண்டு. ஒன்று 'வான் உறையும் தெய்வம்'. இதனை யாரும் கண்டதில்லை. வையத்தில் வாழவேண்டிய முறைப்படி வாழ்பவர் இந்த வான்தெய்வத்துக்கு ஒப்பாக வைத்துத் தொழப்படுவர்.^[13]எதற்கெடுத்தாலும் சந்தேகப்படாமல் பிறர் குறிப்பறிந்து நடந்துகொள்பவனைத் தெய்வத்துக்கு ஒப்பாக எண்ணவேண்டும்.^[14]தெய்வம் எனப் போற்றப்படுபவர் துறவிகள். இல்லறத்தான் பேணவேண்டிய புலத்துறைக் களங்கள் ஐந்து. அவை தென்புலத்தார் எனப்படும் வயது முதிர்ந்தோர், தெய்வம் எனப்படும் துறவிகள், விருந்தினர், ஒருவனைச் சார்ந்து வாழும் ஒக்கல், தான் - என்னும் களங்கள். ^[15]கணவன் தெய்வத்தைப் பேணவேண்டும். மனைவி தொழமாட்டாள். காரணம் கணவனே அவளுக்குத் தெய்வம்.^[16]

இசை

https://bandura.ukrzen.in.ua/#lvivbandurfest
உங்கள் போனே வாத்தியமாகும் அதிசயம்  மேலேயுள்ள லிங்கைத்தொட்டால்
ஒரு
வீணை வாத்தியத்தின் படம் வரும்  
இந்த வீணை வாத்தியத்தை நீங்களே இசைக்கலாம். வீணையின் கம்பிகளைத் தொட்டுத்தான் பாருங்களேன்.
ஆச்சரியம்.
அற்புதம்,...
இசை,.
அருமை,...
👌👌👌👌👌
🌸🌸🌸🌸🌸🌸🌸

மழையின்கதை

#மழைவருதுமழைவருது...

வட கிழக்கு பருவ மழை தான் தமிழகத்திற்கு பெரும்பான்மை மழையைத்தரக்கூடியது. தென்மேற்கு பருவமழை காலத்தில் தமிழகம் மழை நிழல் பகுதியாக இருந்ததாம். வடகிழக்கு பருவ மழையின் போது தான் வழக்கமாகத் தமிழகத்திற்கு அறுபது விழுக்காடு் மழை கிடைக்குமாம் .
வடகிழக்கு பருவமழை என்பது
தென்மேற்கு பருவமழையை ஒப்பிடும் போது
முற்றிலும் மாறுபட்டது.

        வட கிழக்கு பருவ மழை
முற்றிலும்
குறைந்த காற்றழுத்த தாழ்வு நிலை,
தாழ்வு மண்டலம்,
சுழல் காற்று,
வலு இல்லாத புயல்,
மிக வலுவான புயல் மூலம் தான் மழை கிடைக்கும்.

வடகிழக்கு பருவ மழையின் காலத்தில் தான் கடலின் மேற்பறப்பு வெப்பநிலை ஒரு பாகை உயர்ந்து காணப்படும், அப்போது ஈரப்பதம் மிக்க காற்று சூடாகி மேல் எழும்பி #புயலாகமாறும்.

அரபிக் கடலைக்காட்டிலும்
#வங்கக்கடலில்தான்
அதிக புயல்,
குறைந்த காற்றழுத்தம்,
வலி மண்டல காற்று சுழற்சி மற்றும்
ஆழ்ந்த காற்றழுத்த தாழ்வு மண்டலம் ஏற்படுகிறது அதற்குக் காரணம் அரபிக் கடலின் மேற்பறப்பு வெப்பநிலை வங்கக்கடலை காட்டிலும் குறைந்து காணப்படும்.

         #கடலின்_மேற்பறப்பில்_வெப்பம்_இல்லை என்றால் #புயல்இல்லை,
குறைந்த காற்றழுத்தம்,
வலி மண்டல மேலடுக்கு சுழற்சி ஏற்படாது.
அதுவும் அந்தமான் பகுதியில் தான் அதிக புயல்கள் உருவாக காரணமாகிறது.

          அந்தமான் கடல் பகுதி இந்திய மெயின் லேண்ட் கடல் பகுதியை விட வெப்பம் சற்று அதிகம். ஒரு புயல் அதனுடைய வலிமையை தக்க வைக்க வேண்டும் என்றால், அதற்கு ஈரப்பதம், மற்றும் வெப்பம் மிக அவசியம். அது கடல் பகுதியில் தான் கிடைக்கும்.

                 #ஒருபுயல்_எவ்வளவுநேரம்_கடலில்_பயணம்செய்கிறதோ, #அவ்வளவு_வலிமையாக_இருக்குமென்று அறிவியலைப் படிக்கும்போது அறியமுடிகிறது. அதனால் தான் அந்தமான் பகுதியில் உருவாகும் குறைந்த காற்றழுத்தம் படிப்படியாக
வலிமை மிக்க புயலாக மாறிவிடுகிறது ஏன் என்றால் கடல் பயணம் நீண்ட நேரம்.

        புயலுக்கு தேவையான உந்துதல் சக்தி கடலில் மட்டும் தான் கிடைக்கும். அதனால் தான் #கடலோரம் உருவாகும் குறைந்த காற்றழுத்தம் புயலாக மாறுவதில்லை.

2018 ம் எல் நினோ ஆண்டு என்று பிரபல தனியார் வாணிலை ஆய்வு மையம் கூறியுள்ளது அதனால் 2015 ஜ விட இந்த ஆண்டு இரண்டு மடங்கு அதிக மழை பெய்ய இருப்பதாக கூறியுள்ளது.

#மழையின்கதை.

Sankaran Nsk

இலக்கணமும் பாடல்களும்

திரையிசைப் பாடல்களில் இலக்கணம்:

திரையுலகம் அனைத்துத் தரப்பு மக்களையும் சென்றடையக் கூடியது. அதன் மூலம் நாம் ஒரு செய்தியைக் கூறினால், உடனே புரிந்து கொள்ளும் தன்மை, யாருக்கும் உண்டு. இதில் வரும் இலக்கணங்கள் இனிப்புத் தடவப்பட்ட "கசப்பு மாத்திரைகள்" என்று கூறலாம்.

🖌தமிழ் இலக்கணம் குறித்த சில சான்றுகள் இங்கே உங்களுக்காக...

*🖌அடுக்குத்தொடர்:
ஓடிஓடி உழைக்கனும் ஊருக்கெல்லாம் கொடுக்கனும்.

*🖌இரட்டைக்கிளவி:
ஜல்ஜல் எனும் சலங்கை ஒலி சலசல எனச் சாலையிலே.

*🖌சினைப்பெயர்:
பூப்பூவா பறந்து போகும் பட்டுப்பூச்சி அக்கா.

*🖌பொருட்பெயர்:
  கண்ணன் என்னும் மன்னன் பெயரைச் சொல்லச் சொல்ல

*🖌இடப்பெயர்:
வீடு வரை உறவு வீதி வரை மனைவி!

*🖌காலப்பெயர்:
வெள்ளிக்கிழமை விடியும் வேளை வாசலில் கோலமிட்டேன்!

*🖌குணம் அல்லது பண்புப்பெயர்:
அச்சம் என்பது மடமையடா அஞ்சாமை திராவிடர் உடமையடா!

*🖌தொழில் பெயர்:
  ஆடலுடன் பாடலைக் கேட்டு ரசிப்பதிலே தான் சுகம்! சுகம்!

*🖌இறந்த காலப் பெயரெச்சம்:
வந்த நாள் முதல் இந்த நாள் வரை வானம் மாறவில்லை!

*🖌எதிர்காலப் பெயரெச்சம்:
ஓடும் மேகங்களே ஒரு சொல் கேளீரோ?

*🖌இடவாகுபெயர்:
  உலகம் ஆயிரம் சொல்லட்டுமே உனக்கு நீ தான் நீதிபதி

*🖌எதிர்மறைப் பெயரெச்சம்:
துள்ளாத மனமும் துள்ளும் சொல்லாத கதைகள் சொல்லும்

*🖌குறிப்புப் பெயரெச்சம்:
அழகிய தமிழ்மகள் இவள் இரு விழிகளில் எழுதிய மடல்!

*🖌ஈறுகெட்ட எதிர்மறைப் பெயரெச்சம்: 
வாசமில்லா மலரிது வசந்தத்தைத் தேடுது.

*🖌வன்றொடர்க் குற்றியலுகரம்:
முத்துப்பல் சிரிப்பென்னவோ முல்லைப்பூ விரிப்பென்னவோ!

*🖌நெடிற்றொடர்க் குற்றியலுகரம்:
  நாடு அதைநாடு அதை நாடாவிட்டால் ஏது வீடு

*🖌உயிர்த்தொடர்க் குற்றியலுகரம்:
  ஞாயிறு ஒளி மழையில் திங்கள் குளிக்க வந்தாள்

*🖌இரண்டாம் வேற்றுமை உருபு:
  நிலவைப்பார்த்து வானம் சொன்னது என்னைத் தொடாதே.

*🖌மூன்றாம் வேற்றுமை உருபு:
  உன்னால் முடியும் தம்பி! தம்பி!!

*🖌பெயர்ப் பயனிலை:
  காலங்களில் அவள் வசந்தம் கலைகளிலே அவள் ஓவியம்....

(பகிருங்கள். ஆசிரியர்களுக்குப் பயன்படும்)

வெற்றியின்விளைநிலம்கலைஞர்!!!

தமிழக சட்டமன்றத்தில் 60 ஆண்டுக ளுக்கும்மே லாக, உறுப்பினராக இருந்த கருணாநிதி, 1957 -ஆம் ஆண்டு சட்டமன்ற தேர்தல் தொடங்கி 2016 - இல் நடந்த சட்டமன்ற தேர்தல்வரை 13 தேர்தல்களில் போட்டியிட்டு அனைத்திலும் வென்றுள்ளார். 1984-ஆம் ஆண்டு நடந்த சட்டமன்ற தேர்தலில் மட்டும் , மேலவை உறுப்பினராக இருந்த கருணாநிதி போட்டியிடவில்லை.

தோல்வியே சந்திக்காத கருணாநிதி

மறைந்த கருணாநிதி போட்டியிட்டு வென்ற தேர்தல்கள் மற்றும் தொகுதிகளின் முழு விவரம் இது.

1957 - குளித்தலை சட்டமன்ற தொகுதியில் வென்று முதல்முறையாக தமிழக சட்டமன்ற உறுப்பினராக கருணாநிதி தேர்வானார்.

1962 - தஞ்சாவூர் சட்டமன்ற தொகுதியில் தன்னை எதிர்த்து நின்ற காங்கிரஸ் வேட்பாளரான பரிசுத்த நாடாரை வென்று மீண்டும் சட்டமன்றத்துக்கு அவர் தேர்வானார்.

1967 - ஆண்டு தமிழகத்தில் திமுக ஆட்சிக்கு வந்த ஆண்டு. அப்போது நடந்த சட்டமன்ற தேர்தலில், சைதாப்பேட்டை தொகுதியில் போட்டியிட்ட கருணாநிதி, தன்னை எதிர்த்து நின்ற காங்கிரஸ் வேட்பாளர் விநாயகமூர்த்தியை வென்றார்.

1971 - தமிழக முதல்வராக இருந்த கருணாநிதி, மீண்டும் சைதாப்பேட்டை தொகுதியில் போட்டியிட்டு, ஸ்தாபன காங்கிரஸ் வேட்பாளர் ராமலிங்கத்தை வென்றார்.

1977 - தான் போட்டியிட்ட சென்னை அண்ணா நகர் தொகுதியில் போட்டியிட்ட கருணாநிதி அதிமுக வேட்பாளர் கிருஷ்னமூர்த்தியை வென்றார். ஆனால், அவரது கட்சி ஆட்சிப் பொறுப்பை அதிமுகவிடம் இழந்தது.

1980 - சட்டமன்ற தேர்தலில் மீண்டும் அண்ணா நகர் தொகுதியில் போட்டியிட்ட கருணாநிதி, அதிமுகவின் ஹெச்.வி. ஹண்டேவை வென்றார்.

1989 - சட்டமன்ற தேர்தலில் சென்னை துறைமுகம் தொகுதியில் நான்குமுனை போட்டியில் வென்று கருணாநிதி மீண்டும் முதல்வரானார்.

1991 - சட்டமன்ற தேர்தலில் இரண்டாவது முறையாக சென்னை துறைமுகம் தொகுதியில் போட்டியிட்டு மீண்டும் கருணாநிதி வென்றார்.

1996 - சட்டமன்ற தேர்தலில் சென்னை சேப்பாக்கம் தொகுதியில் காங்கிரஸ் வேட்பாளர் நெல்லை கண்ணனை வென்ற கருணாநிதி மீண்டும் தமிழக முதல்வரானார்.

2001 - தி.மு.கவும், பா.ஜ.கவும் கூட்டணி அமைத்த இந்த தேர்தலில் சேப்பாக்கம் தொகுதியில் போட்டியிட்ட கருணாநிதி 4834 வாக்கு வித்தியாசத்தில் வென்றார்.

2006 - சட்டமன்ற தேர்தலில் மீண்டும் சேப்பாக்கம் தொகுதியில் போட்டியிட்டு வென்ற கருணாநிதி, ஐந்தாவது முறையாக தமிழக முதல்வரானார்.

2011 - சட்டமன்ற தேர்தலில், திமுக 31 இடங்களில் மட்டுமே வென்றாலும், திருவாரூர் தொகுதியில் போட்டியிட்ட கருணாநிதி 50,249 வாக்குகள் வித்தியாசத்தில் வெற்றி பெற்றார்.

2016 - சட்டமன்ற தேர்தலில் மீண்டும் திருவாரூர் தொகுதியில் போட்டியிட்ட கருணாநிதி, அதிமுக வேட்பாளர் பன்னீர்செல்வத்தை தோற்கடித்தார்.

2016-ஆம் தேர்தலில் மாநிலத்திலேயே அதிக வாக்கு வித்தியாசத்தில் கருணாநிதி வெற்றி பெற்றார்.

Courtesy BBC

Sankaran Nsk