தொட்டில்

தொட்டிலிடுதல்

     குழந்தையைத் தொட்டிலில் கிடத்தித் தாலாட்டுப் பாடித் தூங்க
வைக்கும் பழக்கம் தமிழரின் தனிப்பண்பாகும். குழந்தையை
முதன்முதலில் தொட்டிலில் இடுவது நாட்டுப்புற மக்களால் ஒரு
சடங்காகவே மேற்கொள்ளப் படுகிறது. குழந்தையின் தாய் மாமன்
தொட்டில் துணி, தொட்டில் கம்பு, தொட்டில் கயிறு, புத்தாடை
ஆகியவற்றைக் கொண்டு வந்து தொட்டில் கட்டி அதில்
குழந்தையைக் கிடத்தி மூன்று முறை ஆட்ட வேண்டும். இவ்வாறு
செய்வதே தொட்டிலிடுதல் சடங்காகும். தமிழரின் தாலாட்டுப்
பாடல்களில் இது குறித்த செய்திகளைக் காணலாம்.

பச்சை இலுப்பை வெட்டி - என்கண்ணே உனக்கு
பால்வண்ணத் தொட்டில்கட்டி
தொட்டிலிட்ட அம்மானும் -என்கண்ணே
தூரவழி போறாரம்மா

என்ற தாலாட்டுப் பாடல் தொட்டிலிடுதல் குறித்து எடுத்துரைக்கும்.